दुर्गा प्रसाईंको अभियान ‘कालोमोसो’का संयोजक पक्राउ

काठमाडौं । मेडिकल व्यावसायी तथा धर्म, संस्कृति, राष्ट्र, राष्ट्रियता र नागरिक अभियान्ता दुर्गा प्रसाईंले तयार पारेको ‘कालोमोसो’ दस्ताका संयोजकलाई प्रहरीले भरतपुरबाट पक्राउ गरेको छ ।

दस्ताका संयोजक शम्भु थापालाई जिल्ला प्रहरी कार्यालय चितवनको टोलीले मालपोत कार्यालय नजिकै रहेको चिया पसलबाट मंगलबार पक्राउ गरेको हो ।

केहिदिन अगाडी चितवनमा सभा गरेपछि भरतपुर विमानस्थलबाट कालोमोसो दस्ता घोषणा गरिएको थियो। प्रसाईंले देशका विभिन्न ठाउँमा सभा गरी कालोमोसो दस्ता बनाएका छन्।

कालोमोसो अभियानका नाममा उक्त दस्ताले दस्ताले बैंक तथा वित्तीय संस्थालाई निसाना बनाउने बताउँदै आएको छ।