फिदिम ४ मा पहिरोले पुरिएर आमाछोरीको मृत्यु, तीनजनाले भागेर ज्यान बचाए

फिदिम । पाँचथरमा पहिरोले पुरिएर दुई जनाको ज्यान गएको छ । फिदिम नगरपालिका ४ चिसापानी स्थित पहिरोले घर भत्किँदा दुई जनाको ज्यान गएको जिल्ला प्रहरी कार्यालय पाँचथरले जनाएको छ।

साथीको घरमा सुत्न आएका २४ बर्षीया  सपना  शेर्पा र उनकी ५ वर्षीया छोरी   डोल्मा शेर्पाको मृत्यु भएको प्रहरीले जनाएको छ ।

अरु तीनजना भने भागेर पहिरोबाट बच्न सफल भएको प्रहरीले जनाएको छ।

मृतकको सब पोस्टमार्टमका लागि जिल्ला अस्पताल पाँचथरमा ल्याइएको जिल्ला प्रहरी कार्यालय पाँचथरले जनाएको छ।

पहिरले आदिवासी जनजाति महासङ्घको भवन पनि पुरेको प्रहरीले जनाएको

छ।