गुह्येश्वरी विद्यालयमा अक्षयकोष स्थापना

पाँचथर–पाँचथरको कुम्मायक गाउँपालिका(५ को गुह्येश्वरी आधारभूत विद्यालय दुम्सिपोखरीमा अक्षयकोष स्थापना गरिएको छ । आइतवार विद्यालय एक कार्यक्रमको आयोजना गरी नगद ३० हजार ५६५ रुपैयाँको ‘स्व. दुर्गा देवि भण्डारी स्मृति’अक्षयकोष स्थापना गरिएको हो । विद्यालयका संस्थापक प्रधानध्यापक प्रविण भण्डारीले स्व. श्रीमती दुर्गा देवी भण्डारीको स्मृतिमा अक्षयकोष स्थापना गर्नुभएको हो । अक्षयकोषको वार्षिक ब्याज रकमबाट विद्यालयका अपांग, असक्त र विपन्न बालबालिकाहरुलाई छात्रवृति प्रदान गर्ने उदेश्यले विद्यालयमा अक्षयकोष स्थापना गरेको भण्डारीको भनाइ छ ।

विद्यालयमा भण्डारीले स्थापना गरेको अक्षयकोषबाट शैक्षिण गुणस्तर सुधार गर्न महत्वपूर्ण सहयोग मिलेको विद्यालयले जनाएको छ । यो संगै विद्यालयमा चार वटा अक्षयकोष स्थापना गरिएको छ । यस अघि नै भवानी प्रसाद सोडारीले परिवारको स्मृतिमा ५१ ह्जार १ सय रुपैयाँ, पुनम भण्डारीले ५० हजार ५ सय रुपैयाँ र पाँचथर दोहा कतार सम्पर्क मञ्चले १३ हजार रुपैयाँको अक्षयकोष स्थापना भएको विद्यालयका प्रधानध्यापक भक्त बहादुर तामाङले बताउनुभयो । विद्यालयमा स्थापना गरिएको अक्षयकोषको बार्षिक व्याज रकमबाट विद्यार्थीहरुलाई छात्रवृति प्रदान गर्दै आएको विद्यालयले जनाएको छ ।