पाँचथर । लामो समयदेखि क्यान्सर रोगबाट थलिएका पत्रकार कविन्द्र शर्मा (लिम्बू) को निधन भएको छ । काठमाडौंस्थित भक्तपुर क्यान्सर अस्पतालमा उपचारका क्रममा ४३ वर्षको उमेरमा सेर्माको शनिबार उनको निधन भएको हो । पाँचथरको कुम्मायक गाउँपालिका–२ माङ्जाबुङ घरभई तीन दशकदेखि पत्रकारति क्षेत्रमा सकृया सेर्मा दुई वर्षदेखि क्यान्सरको उपचार गर्दै आएका थिए ।
पत्रकार शर्माले लामो समय रेडियो तथा पत्रपत्रिकामा काम गरेका थिए । रेडियो नेपालका संवाददाताका रूपमा समेत उनले लामो समय काम गरेका थिए । पाँचथरमा सुम्हालुङ एफएम, इगल एफएम र पाँचथर एफएमको स्थापना तथा सञ्चालनमा उनको महत्वपूर्ण भूमिका रहेको थियो ।
पत्रकारितामार्फत जिल्लाको सञ्चार क्षेत्रको विकासमा योगदान पु¥याएका शर्माको निधनले पाँचथरको पत्रकारिता क्षेत्रमा अपूरणीय क्षति पुगेको छ । उनका दुई छोरा रहेका छन् । पार्थिव शरीरलाई पाँचथर ल्यार दाहसंस्कार गरिने पारिवारिक स्रोतले जनाएको छ ।







प्रतिक्रिया