धकेल्दा लडेका वृद्धको मृत्युपछि धकेल्ने राई पक्राउ

खोटाङ । खोटाङको केपिलासगढी गाउँपालिका–२ खार्ताम्छाका २९ बर्षीय मनकुमार राईले सामान्य बादबिबाद हुँदा धकेलेर लडाउदा एक जना बृद्धको मृत्यु भएको छ ।

मृत्यु हुनेमा सोही स्थानका ६९ बर्षीय हरिप्रसाद राई रहेका छन् । गत १९ गते राती ११ बजे आपसी बिवाद हुँदा मनकुमारले धकेलेर लडाउँदा घाइते भएका हरिप्रसादको न्युरो अस्पताल काठमाण्डौँमा उपचारको क्रममा हिजो राती १ बजे मृत्यु भएको हो । घटनामा सम्लग्न राईलाई पक्राउ गरी थप अनुसन्धान भइरहेको जिल्ला प्रहरी कार्यालय खोटाङले जनाएको छ ।