अपडेटः फालेलुङमा पहिरामा वेपत्ता भएका दुई जना मृत फेला

फिदिम । पाँचथरको फालेलुङ गाउँपालिका वडा नं. ७ विहीदिनमा पहिरोले घर बगाउँदा बेपत्ता भएका दुई जना मृत फेला परेका छन् ।

जिल्ला प्रहरी कार्यालय पाँचथरका प्रहरी नायव उपरीक्षक राकेश थापाका अनुसार वेपत्ता दुई जनाको शव फेला परेको हो । पहिरामा वेपत्ता भएका मध्ये घरमुली ४२ वर्षीय रुपलाल मगरको शव प्रहरीले हिजोनै फेला  पारी पहिरोबाट निकालेको थियो । वेपत्ताको शव खोजी गर्ने क्रममा अन्य दुईजनाको शव आज फेला परेको उहाँले जानकारी दिनुभयो ।

पहिरोले घर बगाएपछि रुपलालकी श्रीमती ३८ वर्षीया गोमा मगर र १९ वर्षीया भतिजी एलिसा मगर वेपत्ता थिए ।