उदयपुर । उदयपुरको बेलका नगरपालिका–१ बाट नियन्त्रित लागूऔषध ट्याब्लेटसहित तीन जनालाई प्रहरीले पक्राउ गरेको छ ।
लागूऔषध ओसारपसार भइरहेको भन्ने बिशेष सूचनाका आधारमा इलाका प्रहरी कार्यालय रामपुर ठोक्सिलाबाट खटिएको प्रहरी टोलीले शनिवार राती पौने ८ बजे तीन जनालाई लागूऔषध सहित पक्राउ गरेको हो । पक्राउ पर्नेहरुमा बेलका नगरपालिका–५ का २४ बर्षीय सुदिप राई र २७ बर्षीय प्रदिप बस्नेत तथा चौदण्डीगढी नगरपालिका–२ का २१ बर्षीय ठगिन्द्र मगर रहेका छन् ।
उनीहरुको साथबाट प्रहरीले टामाडोल ४९५ ट्याब्लेट, डाइजोपाम ३४ एम्पुल, फेनारागन २४ एम्पुल, फेरिमाइन, ३ एम्पुल, लिजेपिक २१ एम्पुल र १ थान सिरिन्ज समेत बरामद गरेको छ । लागूऔषध सहित पक्राउ गरेको उनीहरुका सम्बन्धमा प्रहरीले थप अनुसन्धान भइरहेको जिल्ला प्रहरी कार्यालय उदयपुरले जनाएको छ ।
प्रतिक्रिया