मोरङ । जिल्ला प्रहरी कार्यालय मोरङले तीन वटा चोरी चोरी गर्ने चार जनालाई चोरी भएका मोटरसाइलसहित पक्राउ गरेको छ ।
बिभिन्न मितिमा बिराटनगरको नोवेल अस्पतालको कम्पाउण्ड र सोही स्थानको सामुदायिक मेडिकल हल अगाडि पार्किङ गरी राखेको को ६ प ६८०२ नम्वरको डिस्कभर मोटरसाइकल, प्रदेश १–०१–०१३ प ४५०७ नम्बरको पल्सर मोटरसाइकल र नम्बर नखुलेको १५० सिसिको पल्सर मोटरसाइकल चोरी गर्ने ब्यक्तिहरु पक्राउ परेका हुन् ।
पक्राउ पर्नेमा विराटनगर ४ का २२ बर्षीय नविन माझी, विराटनगर ८ का २५ बर्षीय मोहमद हजरत, दुहवी नगरपालिका ९ सुनसरीका १८ बर्षीय मोहमद सलाउदिन र ३४ बर्षीय मोहमद नसुरदिनलाई चोरीका मोटरसाइकल सहित पक्राउ गरेको हो । पक्राउ परेका उनीहरुलाई मोरङ जिल्ला अदालतबाट चोरी कसूरमा म्याद थप गरी थप अनुसन्धान भइरहेको जिल्ला प्रहरी कार्यालय मोरङले जनाएको छ ।
प्रतिक्रिया