लागूऔषध सहित चार जना पक्राउ

मोरङ । मोरङको उर्लाबारी नगरपालिका–२ बाट निषेधित लागूऔषध सहित चार जनालाई प्रहरीले पक्राउ गरेको छ ।

मंगलबार बेलुका साढे ६ बजे विशेष सूचनाका आधारमा इलाका प्रहरी कार्यालय उर्लाबारी र अस्थायी प्रहरी चौकी मंगलबारेबाट खटिएको प्रहरी टोलीले उर्लाबारी नगरपालिका–२ का नवीन पुरीको घरबाट उर्लावारी–३ का रकि धिमाल, उर्लाबारी–२ का उज्वल थापा र सुमित राई समेत ४ जनालाई निषेधित औषधि ट्रामाडोल ६ सय ४४ क्यापसुल र स्पास्पेन ७ सय २० ट्यावलेट सहित पक्राउ गरेको हो ।

निषेधित औषधि सहित पक्राउ परेका उनीहरुमाथि इलाका प्रहरी कार्यालय उर्लाबारीबाट थप अनुसन्धान भइरहेको प्रदेश प्रहरी कार्यालय विराटनगरले जनाएको छ ।