अछाममा पहिरामा पुरिएर तीन जनाको मृत्यु

अछाम । अछाममा पहिराले घर पुर्दा तीन जनाको मृत्यु भएको छ ।

अछामको तुर्माखाँद गाउँपालिका– २ भुलुमा अमर विष्टको घर पहिराले पुरिदा तीन जनको मृत्यु भएको हो ।

मृत्यु हुनेमा १५ वर्षका संविधान विष्ट, ४५ वर्षकी हरिकला विष्ट २६ वर्षका वीरेन्द्र विष्ट रहेको जिल्ला प्रहरी कार्यालय अछामले जानकारी दिएको छ ।
६६ वर्षकी नैन कला विष्ट घाइते हुनुभएको छ ।

राति करिब १ बजे पहिराले घर पुरेको थियो ।