छोराद्वारा बाबुको हत्या

बैतडी । बैतडीको डिलाशैनी गाउँपालिका– ५ शेरामा आफ्नै छोराको बञ्चरो प्रहारबाट बाबुको मृतयु भएको छ । शुक्रबार विहान ६८ वर्षिय अन्तराम जोशीको आफ्नै छोराले हत्या गरेका हुन् ।

जोशीका छोरा २२ वर्षीय लोकराजले बिहान ६ बजे बञ्चरो प्रहार गरी हत्या गरेका हुन्। बिहान घरमै ठेकी सफा गरिरहेका अन्तरामलाई लोकराजले बञ्चरो प्रहार गरेको डिलाशैनी गाउँपालिका–५ का वडाध्यक्ष तथा गाउँपालिकाका प्रवक्ता यज्ञराज भट्टले जानकारी दिनुभयो ।