झापा । झापाको मेचीनगर नगरपालिका–६ काँकडभिट्टा स्थित पुरानो मेचीपुलबाट ब्राउनसुगरसहित दुई जना भारतीय नागरिक पक्राउ परेका छन् ।
पक्राउ पर्नेमा भारतको सिक्किमका बस्ने ३० बर्षीय मेगबिर लिम्बू र उनकौ भाइ २३ बर्षीय बुद्धबिर लिम्बू रहेका छन् । हिजो दिउँसो साढे ४ बजे इलाका प्रहरी कार्यालय काँकडभिट्टा र लागूऔषध नियन्त्रण ब्यूरो काँकडभिट्टाबाट खटिएको प्रहरी टोलीले उनीहरुलाई लागूऔषधसहित पक्राउ गरेको हो ।
उनीहरुका साथबाट ब्राउन सुगर ७ ग्राम फेला परेको जिल्ला प्रहरी कार्यालय झापाले जनाएको छ । पक्राउ परेका दाजुभाइमाथि इलाका प्रहरी कार्यालय काकडभिट्टाबाट थप अनुसन्धान भइरहेको प्रहरीले जनाएको छ ।
प्रतिक्रिया