बसबाट लडेर एक बृद्धको मृत्यु

मोरङ । मोरङको कानेपोखरी गाउँपालिका–२ मा बसबाट लड्दा एक जना बृद्धको मृत्यु भएको छ ।

आज बिहान ११ बजे कानेपोखरीबाट रंगेली तर्फ आउदै गरेको को १ ख ४१८८ नम्वरको बसमा सवार रहेका कानेपोखरी–२ मोरङका ७३ बर्षीय बलभद्र पराजुली बसबाट ओर्लने क्रममा लडी घाइते भएका थिए । घाइते पराजुलीको रंगेली अस्पतालमा उपचारको क्रममा मृत्यु भएको हो ।

पराजुलीको मृत्यु भएपछि उक्त बस र चालक रतुवामाई नगरपालिका–२ का बावुराम टुडुलाई नियन्त्रणमा लिई थप अनुसन्धान गरिरहेको इलाका प्रहरी कार्यालय रंगेलीले जनाएको छ ।