झापा, मोरङ र सुनसरीका धेरै स्थानमा भारी वर्षा, सतर्कता अपनाउन आग्रह

काठमाडौं । पूर्वका केही स्थानमा भारी वर्षा भएको छ ।

आइतबार साँझ झापाको शनिश्चरे, दमक, कन्काई गैडे, मोरङको लेटाङ, सुनसरीको इटहरी, सप्तरीको फत्तेपुरसहित झापा, मोरङ र सुनसरीको धेरै स्थानमा भारी वर्षा मापन भएको जल तथा मौसम विज्ञान विभागले जनाएको छ ।

तीन जिल्ला भएर बहने साना नदीमा आकस्मिक बहाव हुन सक्ने भएकाले तटीय क्षेत्रमा सतर्कता अपनाउन आग्रह गरिएको छ ।