हात्तीको आक्रमणबाट एक जना वृद्धको मृत्यु

झापा । झापामा हात्तीको आक्रमणबाट एक जनाको मृत्यु भएको छ ।

झापाको बाह्रदशी गाउँपालिका–१ का ८० बर्षीय देवीबहादुर अधिकारीको जंगली हात्तीको आक्रमणबाट मृत्यु भएको छ ।

हिजो बिहान १० बजे मनकामना सामुदायिक बनमा घाँस काट्न गएका अधिकारीलाई हात्तीले आक्रमण गरी घाइते बनाएको थियो । हात्तीको आक्रमणबाट घाइते भएका अधिकारीलाई उपचारका लागि धरान घोपा लैजाने क्रममा बाटोमा नै मृत्यु भएको हो ।