सवारी दुर्घटनामा दुई जनाको मृत्यु

बिराटनगर । सुनसरी र इलामका दुई छुट्टाछुट्टै स्थानमा भएको सवारी दुर्घटनामा परी दुई जनाको मृत्यु भएको छ ।

शनिवार दिउँसो सुनसरीको दुहबी नगरपालिका–३ मा को १ च ७१८६ नम्बरको पिकअप र प्रदेश १–०४–००१ प ८१३८ नम्बरको मोटरसाइकल एकआपसमा ठोक्किदा घाइते भएका मोटरसाइकल चालक धनपालथान गाउँपालिका–२ का २० बर्षीय धिरज मण्डलको उपचारको क्रममा बिराट नर्सिंङ होम बिराटनगरमा मृत्यु भएको इलाका प्रहरी कार्यालय दुहबीले जनाएको छ ।

यसैगरी शनिवार अपरान्ह इलामको रोङ गाउँपालिका–४ मा मे ४ प ८३५५ नम्बरको मोटरसाइकलले मे १ क ६५४ नम्बरको ट्रकलाई ओभरटेक गर्ने क्रममा आफैँ अनियन्त्रीत भई ट्रकको चक्कामा ठोक्किई दुर्घटना हुँदा घाइते भएका मोटरसाइकल चालक सूर्योदय नगरपालिका–४ का ३९ बर्षीय रत्नकुमार थापा मगरको उपचारका क्रममा मेची अस्पताल भद्रपुरमा मृत्यु भएको जिल्ला प्रहरी कार्यालय इलामले जनाएको छ । घटना सम्बन्धमा प्रहरीले थप अनुसन्धान गरिरहेको प्रदेश प्रहरी कार्यालय विराटनगरले जनाएको छ ।