Notice: Function _load_textdomain_just_in_time was called incorrectly. Translation loading for the acf domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /mnt/volume_cybernew/chintankhabar.com/public_html/wp-includes/functions.php on line 6121
कृषि गणनाः पाँचथरमा खटिए ६० जना कर्मचारी « Chintankhabar

पान्थर मिडिया प्रा.ली.
सूचना विभागमा दर्ता नं. : ३०४३/०७८/०७९
Office: फिदिम न.पा. - १ पाँचथर
Phone: +९७७ ०२४-५२०५५५
Admin: Info@chintankhabar.com
News: chintankhabar@gmail.com

कृषि गणनाः पाँचथरमा खटिए ६० जना कर्मचारी

चिन्तन खबर

टिकाराम आचार्य

पाँचथर । जिल्लामा कृषि गणनाका लागि ६० जना कर्मचारी खटिएका छन् । जिल्ला कृषि गणना कार्यालय पाँचथरका अधिकृत मनोज भट्टराईका अनुसार जिल्लामा ४७ जना गण र १३ जना सुपरिवेक्षक खटिएका हुन् ।

भट्टराईका अनुसार गणकहरुले जिल्लाका १३४ गणना क्षेत्रबाट कृषि गणना गर्नेछन् भने करिब ३ देखि ४ जना गणकलाई एक सुपरीवेक्षकहरुले ‘गाइड’ गर्नेछन् ।

त्यस्तै एक सुपरिवेक्षकले एक पालिकाका पूरै र अन्य पालिकाका केही गणना क्षेत्रहरुमा पनि निरीक्षण गर्नुपर्ने हुन्छ । यस पटकको कृषि गणनामा विगातको भन्दा केही फरक भएको जिल्ला कृषि गणना कार्यालय पाँचथरका अधिकृत भट्टराईले बताउनुभयो ।

‘विगतमा भन्दा यो पटकको कृषि गणना अलिक फरक हुने उहाँको भनाई छ । यो लार्ज स्केल सर्भे भएपनि अरु सर्भेहरु भन्दा अलिक ठूलो हो,’ अधिकृत भट्टराईले भन्नुभयो, ‘२०६८ सालमा जिल्लागत विवरण आउँथ्यो । यो प्रत्येक पालिका स्तरमा तथ्याङ्क आउँछ । यद्यपि जनगणना जस्तो प्रत्येक घरमा पुग्नु पर्दैन।’

उहाँका अनुसार सबै घरमा सुचिकरण गरिएपनि त्यस क्षेत्रको प्रतिनिधित्व गर्ने घर छनौँट गरेर ती घरहरुमा मात्रै गणक पुग्नेछन् । जनगणनामा भन्दा प्रश्नावली केही लामो र धेरै हुने उनले बताउनुभयो ।

पाँचथरमा साधारणतय एक गणना क्षेत्रमा २५ हारहारीमा गणकहरुले विवरण भर्नु पर्नेछ । कृषि गणना बैशाख ५ गतेबाट जेठ १९ सम्म संचालन हुने जिल्ला कृषि गणना कार्यालय पाँचथरले जनाएको छ ।

जेठ १९ देखि गणक तथा सुपरीवेक्षकहरुले फायल बुझाउन थाल्ने भएपनि कार्यालय भने जेठ मसान्तसम्मनै खुला रहने जनाइएको छ ।

छनौटमा परेका गणक र सुपरिवेक्षका लागि गत चैत २६ गतेदेखि बैशाख २ गतेसम्म तालिम दिइएको थियो ।