तीन जोडी संसद यात्रामा

काठमाडौं । मंसिर ४ मा सम्पन्न निर्वाचनको परिणाम आउने क्रम लगभग अन्तिम चरणमा पुग्दा तीन जोडीको संसद यात्रा निश्चित भएको छ ।

धनुषा निर्वाचन क्षेत्र नं। ३ र ४ बाट एमालेका उम्मेदवार श्रीमान–श्रीमतीले नै प्रत्यक्ष तर्फ निर्वाचित भएका छन् । निर्वाचन क्षेत्र नं।ल३ बाट जुली कुमारी महतो र ४ बाट रघुवीर महासेठ निर्वाचित भएका हुन । महासेठ र महतो श्रीमान–श्रीमती हुन् । यस अघि प्रत्यक्षबाट महासेठ र समानुपातिकबाट महतो सांसद थिए ।

त्यस्तै नेपाली कांग्रेस सभापति शेरबहादुर देउवा र उनकी पत्नी आरजु राणा र जसपा नेता अशोक राई र उनकी श्रीमती सुशीला श्रेष्ठ संसदमा हुनेछन् ।

देउवा र राई प्रत्यक्ष तर्फ निर्वाचित भएका छन् । राणा कांग्रेसबाट र श्रेष्ठ जसपाबाट समानुपातिक सूचिमा अग्रस्थानमा छन् ।