श्रीमतीको हत्या गरेको आरोपमा एक पक्राउ

भोजपुर । भोजपुरमा आफ्नै श्रीमतीको हत्या गरेको आरोपमा एक ब्यक्ति पक्राउ परेका छन् ।

आफ्नै श्रीमती ४१ वर्षीया गंगा श्रेष्ठको हत्या गरेको आरोपमा अरुण गाउँपालिका–२ बोक्ताङका ५५ वर्षीय ज्ञानबहादुर श्रेष्ठलाई प्रहरीले पक्राउ गरेको हो ।

ज्ञानबहादुरले मादक पदार्थ सेवन गरी सामान्य विवादको कारण आफ्नै श्रीमतीलाई घाँटी थिचेर हत्या गरेको प्रहरीले जनाएको छ । हत्यापछि उनले श्रीमतीको शव खाल्डो खनेर पुरेका थिए ।

घटनाबारे जानकारी पाएपश्चात जिल्ला प्रहरी कार्यालय, इलाका प्रहरी कार्यालय तिवारीभन्ञ्याङ र प्रहरी चौकी प्याउलीबाट खटिएको संयुक्त प्रहरी टोलीले श्रेष्ठलाई पक्राउ गरेको छ । घटनाबारे विस्तृत अनुसन्धान थालिएको प्रहरीको भनाई छ ।