झापामा ट्रक एकआपसमा ठोकिदा दुईजनाको मृत्यु

झापा । झापाको शिवसताक्षीमा दुईवटा ट्रक एकआपसमा ठोक्किदा दुईजनाको मृत्यु भएको छ । पूर्वपश्चिम राजमार्गअन्तर्गत झापाको शिवसताक्षी नगरपालिका–१ धरमपुरमा आज बिहान ट्रक ठोक्किँदा २ जनाको मृत्यु भएको प्रहरीले जनाएको छ ।

ना. ३ ख ८३११ नम्बरका चालक मदन चौधरी र सोही ट्रकका सह चालकको मृत्यु भएको हो । सहचालकको नाम खुलेको छैन ।

पश्चिमबाट पूर्व जाँदै गरेको ना. ६ ख ८८९५ नम्बरको ट्रकलाई पछाडिबाट जाँदै गरेको ना. ३ ख ८३११ नम्बरको ट्रकले ठक्कर दिएको प्रहरीको भनाइ छ ।