विराटनगर । सुनसरीको दुहबी नगरपालिका–३ स्थित कोशी राजमार्गबाट लागूऔषध गाँजा सहित प्रहरीले ५ जना पक्राउ गरेको छ ।
बिशेष सूचनाका आधारमा १ नम्बर प्रदेश प्रहरी कार्यालय बिराटनगर र सिआरभी पोष्ट दुहबीबाट खटिएको प्रहरी टोलीले हिजो दिउँसो साढे ३ बजे इटहरीबाट बिराटनगरतर्फ आउँदै गरेको को २ ह ३०४४ नम्बरको अटो टेम्पोलाई चेकजाँच गर्ने क्रममा अटोमा लुकाईछिपाई राखेको १७ किलोग्राम गाँजा बरामद गरेको हो ।
टेम्पोमा गाँजा बरामद भएसंगै अटो चालक इटहरी उपमहानगरपालिका–११ का ३७ बर्षीय मोहमद हजरत अली, उक्त टेम्पोमा सवार रहेका इटहरी–१३ का १९ बर्षीय आकाश पटेल र २७ बर्षीय आसिस पटेललाई पक्राउ गरेको हो ।
यस्तै अनुसन्धानको क्रममा उक्त कार्यमा संलग्न रहेका इटहरी–१२ का २७ बर्षीय अरुण कुमार सरदार र देवानगंज गाउँपालिका–५ का २३ बर्षीय मिथिलेस यादब समेतलाई पक्राउ गरी थप अनुसन्धान भइरहेको इलाका प्रहरी कार्यालय दुहबीले जनाएको छ ।
प्रतिक्रिया