तेह्रथुम । तेह्रथुमको म्याङ्लुङ नगरपालिका–६ मा ट्रयाक्टर दुर्घटना हुँदा एक जना बृद्धाको मृत्यु भएको छ भने एक जना घाइते भएका छन् ।
मृत्यु हुनेमा म्याङलुङ–६ कि ७६ बर्षीया हर्कमती लिम्बू रहेकी छन् । विहीवार राती साढे ८ बजे तेह्रथुमको बसन्तपुरबाट खाना पकाउने ग्याँस सिलिण्डर बोकी सदरमुकामतर्फ जाँदै गरेको को. १ त ५५३८ नम्वरको ट्रयाक्टरले पैदलयात्री स्थानीय ६२ बर्षीय दलबहादुर लिम्बूलाई ठक्कर दिएको थियो ।
त्यसपछि अनियन्त्रित भई सडक मुखि खसेको ट्रयाक्टर बिशाल लिम्बूको भान्साघर माथि पल्टेको थियो । भान्सा घरमा आगो ताप्दै गरेकाहरुलाई ट्याक्टरले हर्कमती घाइते भएकी थिइन् ।
ट्रयाक्टरले ठक्कर दिएका दलबहादुर र हर्कमतीलाई उपचारका लागि जिल्ला अस्पताल तेह्रथुम लगिएकामा उपचारका क्रममा हर्कमतीको मृत्यु भएको हो । अर्का घाइते दलबहादुरलाई थप उपचारका लागि वीपी कोइराला स्वास्थ्य विज्ञान प्रतिष्ठान धरान पठाइएको छ ।
प्रहरीले ट्रयाक्टर चालक म्याङलुङ नगरपालिका–१ का देशबहादुर लिम्बूलाई नियन्त्रणमा लिई जिल्ला प्रहरी कार्यालय तेह्रथुमबाट घटनाका सम्वन्धमा थप अनुसन्धान र कारबाही अघि बढेको प्रदेश प्रहरी कार्यालय विराटनगरले जनाएको छ ।
प्रतिक्रिया