ब्राउन सुगर सहित १ जना पक्राउ

मोरङ । मोरङको सुन्दरहरैचा नगरपालिका–१० खोर्साने चोकबाट प्रतिबन्धित लागूऔषध ब्राउन सुगर सहित एक जनालाई प्रहरीले पक्राउ गरेको छ ।

मंगलवार अपरान्ह साढे ४ बजे खोर्साने चोक स्थितमा फास्टफुट संचालन गरी बस्दै आएका २८ बर्षीय सुरज थापा मगरले लागूऔषध सेवन तथा बिक्रिबितरण गर्दै आएको भन्ने बिशेष सूचनाका आधारमा इलाका प्रहरी कार्यालय बिराटचोकबाट खटिएको प्रहरी टोलीले चेकजाँच गरेको थियो ।

सो क्रममा लुकाई छिपाई राखेको अवस्थामा उनको साथबाट २.२८ मिलिग्राम ब्राउन सुगर फेला पारी पक्राउ प्रहरीले पक्राउ गरेको हो । पक्राउ परेका थापामाथि इलाका प्रहरी कार्यालय बेलबारीबाट थप अनुसन्धान भइरहेको प्रदेश प्रहरी कार्यालय विराटनगरले जनाएको छ ।