ब्राउन सुगर सहित १ जना पक्राउ

झापा । झापाको मेचीनगर नगरपालिका–६ मेचीपुल स्थितबाट प्रतिबन्धित लाग्औषध ब्राउनसुगर सहित एक जनालाई प्रहरीले पक्राउ गरेको छ ।

हिजो दिउँसो साढे ३ बजे इलाका प्रहरी कार्यालय काँकरभिट्टा र लागूऔषध नियन्त्रण ब्यूरो काँकरभिट्टाबाट खटिएको प्रहरी टोलीले चेकजाँचको क्रममा इलाम नगरपालिका–१२ का २४ बर्षीय सुजन बाला राईलाई शंकास्पद अवस्थामा फेला पारी चेकजाँच गर्दा राईको साथबाट ४४ ग्राम ब्राउन सुगर फेला पारी पक्राउ गरेको हो । ब्राउनसुगर सहित पक्राउ परेका राईमाथि थप अनुसन्धान भइरहेको इलाका प्रहरी कार्यालय काँकरभिट्टाले जनाएको छ ।