रास्वपा सांसद ढाकाकुमारले दुर्गा प्रसाईंसँग २ करोड मागेको अडियो सार्वजनिक (अडियो)

काठमाडौं । राष्ट्रिय स्वतन्त्र पार्टी (रास्वपा) का सांसद डा. ढाकाकुमार श्रेष्ठले मेडिकल व्यवसायी दुर्गा प्रसाईंसँग २ करोड रुपैयाँ मागेको अडियो सार्वजनिक भएको छ । रास्वपा समानुपातिका सांसद श्रेष्ठले मेडिकल व्यवसायी प्रसाईंसँग दुई करोड रुपैयाँ मागेको अडियो सार्वजनिक भएको हो।

कपुरबोट मिडियाले श्रेष्ठ र प्रसाईंबीच भएको डिलको अडियो सार्वजनिक गरेको छ। सो अडियोमा श्रेष्ठले पार्टी सभापति रवि लामिछानेका मान्छेलाई दिन उक्त रकम चाहिएको बताएका छन्।

उनले आफू स्वास्थ्य मन्त्री बन्न लागेको र त्यसैका लागि पार्टीलाई साढे २ करोड रुपैयाँ दिनुपर्ने भएकोले रकम मागेको अडियोमा सुनिन्छ ।