भारपामा ट्याक्टरबाट झरेर दिदी बहिनीको मृत्यु

फिदिम । पाँचथरमा ट्याक्टरबाट झरेर दई जना विद्यार्थीको मृत्यु भएको छ । जिल्ला प्रहरी कार्यालय पाँचथरका अनुसार मेची राजमार्ग अन्तरगतको फिदिम– भारपा सडकखण्डको हिलिहाङ गाउँपालिका ७ साम्मेवामा ट्याक्टरबाट झरेर दुई वालिकाको ज्यान गएको हो ।

ट्याक्टर चढेर जय भवानी आधारभुत विद्यालय जाँदै गरेका १३ बर्षिय पुजना सुवेदी र ९ बर्षिय गंगा सुवेदीको मृत्यु भएको प्रहरीले जनाएको छ ।

चालकको सिटको छेउमा रहेको दुई विद्यार्थी ट्याक्टरबाट झरेपछि ट्याक्टर किचेर मृत्यु भएको प्रहरीले जनाएकोछ ।

दुई विद्यार्थीको मृत्यु भएपछि चालक भाग्दा ट्याक्टर दुर्घटना भएको थियो । सोहि क्रममा फेरि डालीमा बालुवामाथि बसेका दुई जना विद्यार्थी घाईते भएका  भएको प्रहरीले जनाएको छ ।

उक्त ट्याक्टरका ११ जना विद्यार्थी चढेका थिए । ट्याक्टरका चालक तथा सहचलाक फरार रहेका प्रहरीले जनाएको छ ।