फिदिममा टेम्पो दुर्घटना हुँदा एकको ज्यान गयो, चार जना घाइते

फिदिम । पाँचथरको सदरमुकाम फिदिममा टेम्पो दुर्घटना हुँदा एक जनाको ज्यान गएको छ । फिदिम नगरपालिका १ स्थित सनिवारेमा प्र १.०१.००१ स ८७०५ नम्बरको अटो अनियन्त्रित भइ दुर्घटना हुँदा फिदिम ६ शिवा बस्ने बर्ष ५५ कि हरीमाया तुम्रोक ज्यान गएको जिल्ला प्रहरी कार्यालय पाँचथरले जनाएको छ ।

दुर्घटनामा अन्य चार जना घाइते भएको प्रहरीले जनाएको छ । दुर्घटना भएको खबर थाहा पाउनसाथ प्रहरीले उद्धार गरी अस्पताल पुर्याएको थियो । अस्पतालमा उपचारका क्रममा तुम्रोकको ज्यान गएको जिल्ला प्रहरी कार्यालय पाँचथरका सूचना अधिकारी मिलन थापाले बताउनुभयो ।

दुर्घटनामा अटो चालक फिदिम ६ दिपक लिम्बु, फिदिम ६ की वसन्ती लिम्बु, फिदिम ६ कै सन्देश लिम्बु र फिदिम ७ का कुशसल लिम्बु घाइते भएको प्रहरीले जनाएको छ । अन्य घाइतेको उपचार भइरहेको प्रहरीले जनाएको छ ।