मनोज–झपेन्द्र स्मृति दिवसमा विश्रामस्थल सरसफाई

फिदिम । निजामति कर्मचारी शहीद मनोज–झपेन्द्रको ३२औं स्मृति दिवसका अवसरमा नेपाल निजामति कर्मचारी संगठन पाँचथरले मनोज–झपेन्द्र स्मृति विश्रामस्थल सरसफाई गरेको छ ।

शहीद मनोज–झपेन्द्रको ३२औं स्मृति दिवसका अवसरमा आज संगठनले फिदिम नगरपालिका–१ स्थित विश्रामस्थलमा सरसफाई कार्यक्रम आयोजना गरेको थियो । संगठनले सरसफाइका अतिरिक्त मनोज–झपेन्द्रको स्मृतिमा उहाँहरुप्रति श्रद्धाञ्जली ब्यक्त गरेको छ ।

नेपाल निजामति कर्मचारी संगठन पाँचथरका अध्यक्ष प्रेमबहादुर काफ्लेको अध्यक्षता, संगठनका केन्द्रीय सदस्य एवं पाँचथर इन्चार्ज प्रकाश अधिकारीको प्रमुख अतिथ्यता, नेकपा (एमाले) पाँचथरका सचिवालय सदस्य एवं फिदिम नगरपालिका वडा नं. १ का वडाध्यक्ष गजाधर भट्टराईको विशेष आतिथ्यतामा सो कार्यक्रम सम्पन्न भएको हो ।

कार्यक्रममा संगठनका विभिन्न तहका पदाधिकारी तथा सदस्यहरु सहित कर्मचारीहरुको सहभागिता रहेको संगठनका सचिव मिलन राईले जानकारी दिनुभयो ।