देशको राष्ट्रिय राजनीतिमा छिटै फेरवदल आउछः उपाध्यक्ष पाण्डे

काठमाडौं । पूर्व अर्थमन्त्री तथा नेकपा (एमाले)का अध्यक्ष सुरेन्द्र पाण्डेले अबको केही महिना भित्र देशको राष्ट्रिय राजनीतिमा फेरवदल आउदे दाबी गर्नुभएको छ ।

पाँचथर– काठमाडौं सम्पर्क मञ्चले आज काठमाडौंमा आयोजना गरेको दशैं, तिहार, नेपाल संवत, चासोक तङनाम लागायतकाको शुभकामना आदानप्रदान कार्यक्रममा बोल्दै उहाँले कोशी प्रदेशको घटनाले देशको राष्ट्रीय राजनीतिमा फेरबदल आउने बताउनुभएको हो । उहाँले भन्नुभयो–‘अबको केही महिनामा देशको राष्ट्रिय राजनीतिमा फेरबदल आउछ । यो मैले थाहा पाएको सूचना हो । मेरो विश्लेषण र कोशी प्रदेश सरकार गठन अवस्थालाई हेर्दा पनि राष्ट्रिय राजनीतिमा परिवर्तन आउने देखिएको छ । ’

उहाँले देशको आर्थिक र राजनीतिक क्षेत्रमा संकट परेकोसमेत बताउनु भएको छ । उहाँले भन्नुभयो – ‘अहिलेको अवस्थामा देशको आर्थिक स्थिति भयावह जस्तै भएको छ । देशलाई सुधार्न राजनीतिले मात्र हुँदैन । अर्थतन्त्रलाई पनि सुधार गर्नु पर्छ । हामीले संकल्प नगरी देश बन्दैन ।’

उहाँले अर्को प्रसंग निकाल्दै पछिल्लो समयमा देशमा सामाजिक सदभाव भड्काउने काम भइरहेको भन्दै चिन्ता समेत व्यक्त गर्नु भएको छ । उहाँ भन्नुहुन्छ–‘यो बडो गम्भिरको कुरो हो । यस विषयमा गम्भिर छलफल चाहिन्छ । विभिन्न धर्म र जात विच फाटो ल्याउन को लागि परेको छ यस विषयमा छलफल गर्नु जरुरी छ ।’