काठमाडौं । कमल थापा नेतृत्वको राप्रपा नेपालका कोषाध्यक्ष चन्द्रबहादुर गुरुङले पार्टी परित्याग गर्नुभएको छ । उहाँले आज पार्टीको साधारण सदस्य समेत नरहने गरी कोषाध्यक्षबाट राजीनामा गरेका दिनुभएको हो ।
अध्यक्ष कमल थापालाई सम्बोधन गरेको राजीनामा पत्र गुरुङले आज केन्द्रीय कार्यालय विशालनगरमा दर्ता गराउनु भएको छ ।
पाँच दिनअघि राप्रपा नेपालका केन्द्रीय उपाध्यक्ष उद्धव पौडेल, केन्द्रीय सदस्यहरू उर्मिला अधिकारी र श्रीधर सुवेदीले पनि थापाको साथ छाड्दै पार्टीबाट राजीनामा दिनुभएको थियो ।
प्रतिक्रिया