लहरीको ठक्करबाट एक जनाको मृत्यु

सुनसरी । कोशी राजमार्गअन्तर्गत सुनसरीको दुहवी नगरपालिका–५ बुढीपुलमा लहरीको ठक्करबाट मोटरसाइकलमा पछाडी सवार एक जना महिलाको मृत्यु भएको छ ।

मृत्यु हुनेमा इटहरी उपमहानगरपालिका–२० का ५८ बर्षीया कृष्णकुमारी खवास रहेकी छन् । हिँजो दिनको ३ बजे उनकै श्रीमान ६६ बर्षीय मछिन्द्र खवासले चलाएको को २८ प ८५४४ नम्बरको मोटरसाइकलको पछाडि सवार खवासलाई बिपरित दिशाबाट आएको UP 57AT 3837 नम्बरको भारतीय लहरीले ठक्कर दिएको थियो ।

ठक्करबाट खवासको घटनास्थलमै मृत्यु भएको थियो भने चालक सामान्य घाइते भएका छन् । ठक्कर दिने लहरी र लहरी चालक भारत कुसिनगर जिल्ला बस्ने ४५ बर्षीय मन्नु यादवलाई नियन्त्रणमा लिई थप अनुसन्धान भइरहेको जिल्ला प्रहरी कार्यालय सुनसरीले जनाएको छ ।