यस पटकको विश्वकप अर्जेन्टिनाले जित्ने सुवास नेम्वाङको अनुमान

काठमाडौं । नेकपा (एमाले) का उपाध्यक्ष एवम् संविधानसभाका अध्यक्ष सुवास नेम्वाङले यस पटकको विश्वकप अर्जेन्टिनाले जित्ने बताएका छन् ।

शुक्रबार काठमडौंमा आयोजित नेपाल ल क्याम्पसको स्थापना दिवसको अवसरमा बोल्दै उपाध्यक्ष नेम्वाङले आफूलाई मनपर्ने खेलाडी मेस्सी भएको उल्लेख गर्दै अर्जेन्टिनाले विश्वकप जित्ने बताए । ‘जे होस यो ताली चै अर्जेन्टिनाले मेस्सीले विश्वकप जित्छन् भन्ने मलाई विश्वास छ,’ उपाध्यक्ष नेम्वाङले भने ।

नेम्वाङले आफूले विश्व फुटबलका चर्चित लिगहरु प्रिमियर लिग, ला लिगा आफूले हेर्ने गरेको पनि बताए । उनले मेस्सी बार्सिलोना छाडेर पीएसजी गएपछि बार्सिलोनाको खेल हेर्न छाडेको उनले बताए । (रातोपाटीबाट)