लागूऔषध सहित झापामा इलाम र पाँचथरका दुई युवक पक्राउ

झापा । झापाको मेचीनगर नगरपालिका–६ बाट प्रतिवन्धित लागूऔषध ब्राउनसुगर सहित प्रहरीले दुई जनालाई पक्राउ गरेको छ ।

आज बिहान इलाका प्रहरी कार्यालय काँकरभिट्टा र लागूऔषध नियन्त्रण ब्युरो काँकरभिट्टाबाट चेकजाँचमा खटिएको प्रहरी टोलीले भारतबाट नेपालतर्फ आउदै गरेका फाकफोकथुम गाउँपालिका–१ इलामका २७ बर्षीय प्रकाश गुरुङ र फिदिम नगरपालिका–८ पाँचथरका २१ बर्षीय लक्षुमान तामाङको साथबाट १४ ग्राम ब्राउनसुगर बरामद गरेको हो ।

ब्राउनसुगर सहित पक्राउ परेका उनीहरुलाई इलाका प्रहरी कार्यालय काँकरभिट्टाले नियन्त्रणमा लिई थप अनुसन्धान गरिरहेको प्रदेश प्रहरी कार्यालय विराटनगरले जनाएको छ ।