३६ केजी गाँजा सहित एक जना पक्राउ

मोरङ । मोरङको जहदा गाउँपालिका–२ बाट प्रहरीले गाँजा सहित एक जनालाई पक्राउ गरेको छ ।

जहदा गाउँपालिका–२ हरिनगरा क्षेत्रबाट गाँजाको ओसारपसार भइरहेको बिशेष सूचनाका आधारमा इलाका प्रहरी कार्यालय रानीबाट खटिएको प्रहरी टोलीले ३६ केजी गाँजा सहित स्थानीय २५ बर्षीय मुकेश गुरुङलाई गएराती साढे १२ बजे पक्राउ गरेको हो ।

रातको समयमा प्लास्टिकमा गाँजा प्याक गरेर सीमा क्षेत्रबाट भारततर्फ लैजाँदै गरेको अबस्थामा गुरुङ पक्राउ परेको इलाका प्रहरी कार्यालय रानी विराटनगरले जनाएको छ । सोही कार्यालयले गाँजा तस्करीबारे थप अनुसन्धान गरिरहेको जनाएको छ ।