खोलाले बगाएर एक जनाको मृत्यु

उदयपुर । उदयपुरको त्रियुगा नगरपालिका–७ कुबिण्डेका ५० बर्षीय बौवा चापागाईलाई त्रियुगा खोलाले बगाएर मृत्यु भएको छ ।

सोमवार बेलुका मुर्कुची बजारबाट घरतर्फ फर्कँदै गरेका चापागाई बाटोमा रहेको त्रियुगा खोला तर्ने क्रममा अचानक खोलाले बगाएको थियो । खोजतलासको क्रममा खोलाले बगाएका चापागाई बगाएको स्थान भन्दा करबि १ किलोमिटर तल मृत अवस्थामा फेला परेका थिए । घटना सम्बन्धमा थप अनुसन्धान भइरहेको जिल्ला प्रहरी कार्यालय उदयपुरले जनाएको छ।