टिपर दुर्घटना हुँदा दुई जनाको मृत्यु

उदयपुर । उदयपुरको कटारी नगरपालिका–८ कुरिभञ्याङमा आज बिहान टिपर दुर्घटना हुँदा दुई जनाको मृत्यु भएको छ ।

कटारीबाट घुर्मीतर्फ सिमेन्ट बोकेर जाँदै गरेको बा ४ ख ५६७१ नम्बरको टिपर आफैँ अनियन्त्रीत भई सडकबाट करीब ५० मिटर तल खसेको थियो ।

दुर्घटनामा टिपरमा सवार कटारी नगरपालिका–८ का ४५ बर्षीय नर बहादुर मगर र ४० बर्षीय मिर्चिङ कान्छा मगरको घटनास्थलमै मृत्यु भएको छ । उक्त दुर्घटनाबारे थप अनुसन्धान भइरहेको इलाका प्रहरी कर्यालय कटारीले जनाएको छ ।