एमाले प्रदेश इन्चार्जको रिपोर्टिङः एक्ला एक्लै लड्दा सबै प्रदेशमा एमाले पहिलो शक्ति बन्ने

काठमाडौं । नेकपा एमालेको स्थायी कमिटी बैठकमा अहिले प्रदेश कमिटीका इन्चार्जहरुले आ–आफ्ना कार्यक्षेत्रका रिपोर्टिङ गरिहनुभएको छ । स्थायी कमिटी सदस्य शेरबहादुर तामाङले जानकारी दिनुभए अनुसार केन्द्रीय कार्यालय च्यासलमा जारी बैठकमा प्रदेश इन्चार्जको रिपोर्टिङपछि अन्य एजेण्डामा प्रवेश हुने छ ।

इन्चार्जहरूले स्थानीय तह निर्वाचनको समिक्षात्मक रिपोर्टसहित आगामी प्रतिनिधिसभा र प्रदेशसभा निर्वाचनमा पार्टीको सम्भावित अवस्था तथा गठबन्धनको चुनौतीका बारेमा जानकारी गराएका छन् ।

एक्ला एक्लै लड्दाको अवस्थामा प्रायः सबै प्रदेशमा एमाले पहिलो शक्ति बन्ने नेताहरूको ब्रिफिङ छ । तर, एमालेविरुद्ध सबै दलको गठबन्धन बन्दा प्रत्यक्षतर्फ नतिजा फरक हुने भन्दै सम्भावित जित्ने र हार्ने क्षेत्रबारे पनि समिक्षा हुने बताइएको छ ।