फिदिम । पाँचथरको तुम्बेवा गाउँपालिकामा मोटरसाइकल दुर्घटनामा चालकको मृत्यु भएको छ ।
हिँजो दिउँसो २ बजेट तुम्बेवा–३ को बिजुलीभञ्ज्याङस्थित कच्ची सडकमा मोटरसाइकल दुर्घटना हुँदा सोही ठाउँका ३० वर्षीय रणबहादुर सम्बाहाम्फेको मृत्यु भएको जिल्ला प्रहरी कार्यालय पाँचथरले जनाएको छ ।
सम्बाहाम्फे मे ७ प ५४९९ नम्बरको मोटरसाइकलमा मौवा बजारबाट गैरी गाउँतर्फ जाने क्रममा दुर्घटना हुँदा सम्बाहाम्फेको घटनास्थलमै मृत्यु भएको जिल्ला प्रहरी कार्यालयले जनाएको छ ।
दुर्घटनामा मोटरसाइकलको पछाडि सवार रहेकी सोही स्थानका सन्तोष माङ्लाककी सात वर्षीया छोरी आर्या घाइते भएकी छन् । स्वास्थ्य अवस्था सामान्य रहेकी उनको मौवामै उपचार भइरहेको प्रहरीले जनाएको छ ।
प्रतिक्रिया