अवैध सुर्ती सहित १ जना पक्राउ

मोरङ । मोरङको रंगेली नगरपालिका–५ आँपगाछी सीमानाबाट अवैध सुर्ती सहित एक जनालाई प्रहरीले पक्राउ गरेको छ ।

आज बिहान २ बजे इलाका प्रहरी कार्यालय रंगेलीबाट खटिएको प्रहरी गस्ती टोलीले भन्सार छली भारतबाट नेपालतर्फ ल्याउँदै गरेको करीब रु. २ लाख ७ हजार मूल्यको ६ सय ९० केजी धुलो सुर्ती बरामद गरेको हो ।

सुर्तीसँगै प्रहरीले ३३ बर्षीय उसमान शेख मिँयालाई पक्राउ गरेको छ । पक्राउ परेका मिँयामाथि थप अनुसन्धान भइरहेको प्रदेश प्रहरी कार्यालय विराटनगरले जनाएको छ ।