फेरि बढ्यो सुनको भाउ, चाँदी पनि बढ्यो

काठमाडौं । आज फेरि नेपाली बजारमा सुनको मूल्य बढेको छ । हिजोको तुलनामा आज प्रतितोला पाँच सय रुपैयाँ बढेर कारोबार सुरु भएको छ ।

सुनचाँदी व्यवसायी महासंघले आज सुनको मूल्य तोलाको १ लाख ९ हजार ८०० रुपैयाँ पुगेको छ । यस्तै, तेजाबी सुनको मूल्य तोलामा १ लाख ९ हजार ३०० रुपैयाँ कायम भएको महासंघले जनाएको छ ।

आज चाँदीको मूल्य तोलामा १० रुपैयाँले बढेको छ । हिजो सोमबार चाँदीको मूल्य तोलामा १३ सय ३० रुपैयाँ थियो । जुन, आज १३ सय ४० रुपैयाँ पुगेको हो ।