रामकुमारी झाँक्रीको क्षेत्र मुसिकोट नगरपालिकामा अध्यक्ष र उपाध्यक्षमा एमाले विजयी

रुपन्देही । नेकपा (एमाले)का सचिव गोकर्ण विष्ट र नेकपा एसका सचिव रामकुमारी झाँक्रीको क्षेत्रमा रहेको गुल्मीको मुसिकोट नगरपालिकामा अध्यक्ष र उपाध्यक्षमा एमालेका उम्मेदार विजयी भएका छन् । सत्तारुढ दलको गठबन्धनलाई पराजित गर्दै नगरप्रमुखमा एमालेका जीवलाल खरेल ७ हजार ३ सय ९९ मत ल्याएर विजयी भएका हुन् । त्यसैगरी उपप्रमुखमा एमालेका गंगा श्रेष्ठ ७ हजार ११ मत ल्याएर विजयी भएकी छन् ।

नगरप्रमुखमा निकटतम प्रतिस्पर्धी नेपाली कांग्रेसका हरिनारायण सापकोटाले ६ हजार ६ सय ६ मत ल्याए भने उपप्रमुख एकीकृत सामाजवादीका श्रीराम महत ६ हजार ३ सय २३ मत ल्याएका छन् ।

नगरमा रहेका रहेका ९ वटा वडाहरुमध्ये ५ नेकपा एमाले ४ वटा कांग्रेस जितेको छ । एमाले सचिव विष्ट र नेकपा एस सचिव झाँक्री आफ्ना उम्मेदारलाई जिताउन निकै मेहनतका साथ मुसिकोटमा लागेका थिए । (नेपाल प्रसबाट साभार)