पछिल्लो २४ घण्टामा थपिए ९१५ कोरोनाका संक्रमित

काठमाडौं । पछिल्लो २४ घण्टामा ९१५ कोरोना संक्रमित थपिएका छन् ।

६ हजार २ नमूना परीक्षण गर्दा ९१५ जनामा संक्रमण पुष्टि भएको स्वास्थ्य तथा जनसंख्या मन्त्रालयले बुधबार आयोजना गरेको पत्रकार सम्मेलनमा जानकारी दिइएको छ । ३ हजार ९१ पीसीआर परीक्षणमा ५९० जनामा तथा २ हजार ९११ एन्टिजेन परीक्षणमा ३२५ जनामा सङ्क्रमण देखिएको मन्त्रालयले जनाएको छ ।

२४ घण्टाको अवधिमा ३०१ जना निको भएका छन् । बुधबारसम्म नेपालमा सक्रिय संक्रमितको संख्या ५ हजार ४३३ पुगेको छ । २४ घण्टामा ५५ हजार ५५९ जनाले खोप लगाएको स्वास्थ्य तथा जनसंख्या मन्त्रालयले जनाएको छ ।