काठमाडौं । नेपाल, स्कटल्यान्ड र नामिबिया सम्मिलित ‘आईसीसी विश्व क्रिकेट लिग टु’ त्रिकोणात्मक सिरिज आजदेखि सुरू हुँदैछ।
त्रिवि क्रिकेट मैदानमा हुने पहिलो खेलमा नेपालले नामिबियासँग प्रतिस्पर्धा गर्दै छ । नेपालले नामिबियाविरुद्ध टस जितेर पहिला बलिङ गर्ने निर्णय गरेको छ।
नेपालले लिग २ का कुल ३६ मध्ये २४ खेल खेलिसकेको छ। जसमा १४ जित, १८ मा हार र एकमा बराबरीको नतिजाका साथ १८ अंक जोड्दै तालिकाको छैटौँ स्थानमा छ।
यसैगरी ३० खेलबाट ३७ अंक बटुलेको नामिबिया तेस्रो स्थानमा छ। नेपाल, नामिबिया र स्कटल्याण्ड सम्मिलित सिरिज फागुन ९ गते सम्म हुनेछ।
सिरिजको पहिलो खेलमा नेपालले नामिबियासँग फागुन २ मा खेल्नेछ। यस्तै नेपालले दोस्रो खेलमा स्कटल्याण्डसँग फागुन ५ मा खेल्नेछ।
नेपालले फागुन ६ मा नामिबियासँग दोस्रो खेल, स्कटल्याण्डसँग फागुन ९ मा पुनः खेल्नेछ।
प्रतिक्रिया