कोरोना अपडेटः ५ हजार २ सय बढी संक्रमित थपिए

काठमाडौ / पछिल्लो २४ घण्टामा देशभर ५ हजार बढीमा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार शुक्रबार सार्वजनिक गरेको तथ्यांकअनुसार ५०८७ जनामा संक्रमण पुष्टि भएको हो।

मन्त्रालयका अनुसार शुक्रबार पिसिआर परीक्षणबाट ४ हजार २०४ र एन्टिजेन परीक्षणबाट ८८३ जनामा कोरोना संक्रमण पुष्टि भएको हो।

पछिल्लो २४ घण्टामा २० हजार ५६० जनामा कोरोना परीक्षण गरिएको थियो। हाल देशभर १८ हजार २ सय ३५ जना कोरोनाका सक्रिय संक्रमित छन्।

त्यस्तै पछिल्लो २४ घन्टामा कोरोना संक्रमणबाट ३ जनाले ज्यान गुमाएका छन् भने ३०६ जना संक्रमणबाट मुक्त भएका छन्। यसैगरी काठमाडौं उपत्यकामा २६०७ संक्रमित थपिएका छन्।