५ किलो गाँजा सहित धनकुटाबाट एक जना पक्राउ

फिदिम । प्रहरीले धनकुटाको धनकुटा नगरपालिका–९ मुलघाटबाट ५ किलो गाँजा सहित एक जनालाई पक्राउ गरेको छ ।

हिजो साँझ ७ बजे प्रहरी चौकी मुलघाटबाट खटिएको प्रहरी चेकिङ टोलीले धनकुटाबाट धरानतर्फ जाँदै गरेको प्रदेश १–०२–०४४ प ३४१६ नम्वरको मोटरसाइकलमा सवार रहेका साँघुरीगढी गाउँपालिका–९ धनकुटाका २० बर्षीय सनिल राईले बोकेको झोला शंका लागि चेक जाँच गर्दा ५ किलोग्राम गाँजा बरामद भएको हो ।

गाँजा सहित पक्राउ परेका राईमाथि जिल्ला प्रहरी कार्यालय धनकुटाबाट थप अनुसन्धान भइरहेको प्रदेश प्रहरी कार्यालय विराटनगरले जनाएको छ ।