लागुऔषध सहित एक जना पक्राउ

झापा । झापाको भद्रपुर नगरपालिका–५ बाट लागूऔषध सहित एक जनालाई प्रहरीले पक्राउ गरेको छ ।

हिजो बेलुका ६ बजे वडा प्रहरी कार्यालय भद्रपुरबाट खटिएको प्रहरी टोलीले चेक जाँचको क्रममा प्रदेश ३–०२–०१३ प ४७४३ नम्वरको मोटरसाइकलमा सवार रहेका अर्जुनधारा नगरपालिका–११ झापाका २४ बर्षीय आकाश गिरीको साथबाट १ ग्राम २२० मिलिग्राम ब्राउन सुगर बरामद गरेको हो ।

प्रतिबन्धित लागूऔषध ब्राउनसुगर सहित पक्राउ परेका गिरीमाथि जिल्ला प्रहरी कार्यालय झापाबाट थप अनुसन्धान भइरहेको प्रदेश प्रहरी कार्यालय विराटनगरले जनाएको छ ।