धम्की दिई रकम माग गर्ने एक जना पक्राउ

मोरङ । डर, त्रास र धाक धम्की देखाई रकम माग गर्ने गरेको आरोपमा मोरङबाट प्रहरीले एक जनालाई पक्राउ गरेको छ ।

विराटनगर महानगरपालिकामा रहेका विभिन्न औषधी व्यवसायी तथा मेडिकल डाक्टरहरूलाई विभिन्न समयमा धाकधम्की दिने गरेको र रकम समेत माग गर्ने गरेको भन्ने बिशेष सूचनाका आधारमा १ नम्बर प्रदेश प्रहरी कार्यालयको विशेष समूह र जिल्ला प्रहरी कार्यालय मोरङबाट संयुक्त रुपमा खटिएको प्रहरी टोलीले बिराटनगर–३ का ३३ बर्षीय बिजय दाहाललाई मंगलवार पक्राउ गरेको हो ।

पक्राउ परेका दाहालको सम्बन्धमा जिल्ला प्रहरी कार्यालय मोरङबाट थप अनुसन्धान भइरहेको प्रदेश प्रहरी कार्यालय विराटनगरले जनाएको छ ।