नयाँ राष्ट्रपति चयनका लागि मतदान सकियो, ४ बजेबाट मतगणना

काठमाडौं । नयाँ राष्ट्रपति चयनका लागि मतदान सकिएको छ । निर्वाचन आयोगले तोकेको समय सकिएसँग मतदान पनि सकिएको हो । आयोगले बिहान १० बजेबाट शुरु भएको मतदान ३ बजेसम्म तोकिएको थियो ।

मतदानमा संघीय संसदका ३१३ र प्रदेशसभाका ५५० जना सांसदले सहभागिता रहेको थियो ।

राष्ट्रपति निर्वाचनको लागि संघीय संसदका सांसदको मतभार ७९ र प्रदेशका सांसदको मतभार ४८ रहेको छ ।

संघीय संसद भवन नयाँ बानेश्वरको ल्होत्से हलमा मतदान सम्पन्न भएसँगै ४ बजेबाट मतगणना हुनेछ ।

संघ र प्रदेश सांसदको छुट्टाछुट्टै मतगणना आयोगले जनाएको छ ।