पान्थर मिडिया प्रा.ली.
सूचना विभागमा दर्ता नं. : ३०४३/०७८/०७९
Office: फिदिम न.पा. - १ पाँचथर
Phone: +९७७ ०२४-५२०५५५
Admin: [email protected]
News: [email protected]

तरुण गोल्डकपको उपाधिका लागि फिदिम र तुम्बेवा प्रतिस्पर्धा गर्दै

चिन्तन खबर

फिदिम । नेपाल तरुण दल पाँचथरको आयोजनामा फिदिममा जारी सातौं तरुण गोल्डकप फुटवल प्रतियोगिताको उपाधिका लागि फिदिम नगरपालिका र तुम्बेवा गाउँपालिकाका फुटवल टिमवीच आज प्रतिस्पर्धा हुँदैछ ।

फिदिम स्थित फिदिम माध्यमिक विद्यालयको खेलमैदानमा आज दिउँसो २ बजेबाट फाइनल खेल हुन लागेको हो । सोमवार सम्पन्न सेमीफाइनलमा याङवरक गाउँपालिकालाई २–१ गोलअन्तरले पराजित गर्दै फिदिम फाइनलमा पुगेको थियो । यस्तै मिक्लाजुङ गाउँपालिकालाई टाइब्रेकरमा ४–२ गोलअन्तरले पराजित गर्दै तुम्बेवा उपाधि नजिक पुगेको हो ।

नेपाल तरुण दलको ७२औं स्थापना दिवसका अवसरमा नेपाल तरुण दल पाँचथरले सो प्रतियोगिता आयोजना गरेको हो । प्रतियोगिताको विजेताले रु. १ लाख १ सय ७२ र उपबिजेताले रु. ५१ हजार १ सय ७२ प्राप्त गर्ने नेपाल तरुण दल पाँचथरका अध्यक्ष सुमन लामाले जानकारी दिनुभयो ।

(तस्वीर केञ्जो खवरबाट)