ट्रकले स्कुटरलाई ठक्कर दिदा एक महिलाको मृत्यु

काठमाडौं । मध्यपुरथिमि नगरपालिका–३ गठ्ठाघरचोकमा आज बिहान भएको सवारी दुर्घटनामा एक जनाको मृत्यु भएको छ। अर्का एक जना गम्भीर घाइते भएका छन्।

काठमाडौँतर्फ गइरहेको ट्रकले स्कुटरलाई ठक्कर दिँदा त्यसमा सवार भक्तपुर नगरपालिका(५ द्यौलाबस्तीका जिते द्यौला गम्भीर घाइते भएका हुन्। उनकी श्रीमती नवीनाको मृत्यु भएको छ।

घाइते जितेको नागरिक कम्युनिटी अस्पताल गठठाघरमा उपचार भइरहेको छ।

प्रहरीले ट्रक र त्यसका चालक मकवानपुरगढी गाउँपालिका(४ का बुद्धबहादुर घलानलाई नियन्त्रणमा लिएको छ।